السلام عليكم ورحمة الله وبركاته
ان شاء الله تكونوا بخير يا حلوات
شوفوا بقى انا النهاردا جايبه موضوع شيق ياريت تستمتعوا بيه
مع علم ان الحكايه حقيقيه وهيا حصلت لوحده تقربلي من بعيد وصاحبتي كل يوم بشوفها ياريت تساعدوها اوك وانا هقوللكواازاي تساعدوها
في بداية الامر لما اتولدت البنت في نفس اليوم طلع لها ثعبان في بيتهم واتلف عليها وعلى اللفه وشافوهوموتوه لكن ما عملش فيها حاجه ولما تمت سنه في يوم ما اتولدت طلعلها تاني والعجيب انو ما عملش فيها حاجه وفضل يلعب معاها
فدخل باباها عليها دخل الثعبان واتخبا تحت الطانيه وهيا تشاور لباباها على مكانو وباباها مش واخد بالو وبعدين لقى حاجه بتتحرك تحت البطانيه بيشوف لقى التعبان هوا هوا بتاع السنه اللي فاتت وموتو
وبعدين لما تمت 3 سنين طلع لها تاني وهيا في الحمام وتلف على ايديها ولسى معلم مكان ماكان ملفوف عليها وبعدين هوا ما عملش فيها حاجه وشافوه وموتوه وكذلك طلع لها لما تمت 4 سنين يوم ميلادها برضو بس امها دخلت الحمام قبل ما هيا تدخل 30 مره مافيش حاجه في الحمام ولا في مكان يطلع التعبان منو ودخلت البنت وبعدين قفلت الباب بتدور وشها لقتو طالع لها جمب الحيط وبعدين طلعت تقوللهم انو كان في الحمام بعد ماعرفت انهم موتو تصوروا انها زعلت عليه وبكت كتيير المهم وفضل يطلع لها كل سنه حتى الان وهو مازال يطلع لها المهم هيا فضلت ماتخاف منو حتى تمت 8 سنينوتعرف يعني ايه ثعبان وخطورتو
ولما دخلت المعهد في سنه اولى طلع لها في المعهد في الفصل كان وقت الفسحه وكان في احد مزعلها وكانت لوحدها في الفصل لما طلع لها سوطت ولمت المعهد عليها وموتوه بس ما طلع لها في المعهد تاني وطلع لها السنادي برضو هيا دلوقتي عندها 13 سنه قدي يعني (مهي صحبتي زي ماقلتلكوا)
المهم بس الغريب برضو ان بعد ما يطلع لها الثعبان بيوم او يومين عينها بتكبر وتوسه توصل لقرب ودانها (الله يستر) المهم والبنت بتقول انها اوقات كتير بتشوف(الله يحفظنا) عفاريت وحجات غريبه بتحصل معاها وبيغما عليها كتير
المهم هماراحوا ل 3 شيوخ الاول قالهم ان دا عمل معمول لها والتانيقال ان دا ربنا باعتو عشان يحميها والتالت قال ان دا لازم هيموتها يا اما هيا هتموت بحاجه غريبه هما احتاروا فسابوها لله اه نسيت اقول لكوا ان البنت لما مامتها كانت حامل فيها ما كانتش بطنها كبيره ولا حاجه كانت عااادي جدا ولما ولدتها ولدتها من غير طلق ولا الم ولا اي حاجه ومن غير اثار الولاده اللي انتوا عارفينها وكمان البنت دي رفيعه خاالص هيكل عظمي بس اطول مني وشكلها كدايقول انها غريبه
حاجه غريبه مش كدا؟
المهم انتوا دلوقتي عليكوا تسالوا اي حد يعرف في الحجات دي او تدلوني على موقع لشيخ او ايحاجه نساعد بيها البنت المسكينه دي
ياارب تكونوا قريوا الحكايه كلها
